Учество на вицепремиерот Анѓушев на Дигиталниот Самит во Скопје

Почитувани,

Ве информираме дека на 19 април 2018 година, д-р Кочо Анѓушев, заменик претседател на Владата задолжен за економски прашања, ќе земе учество на вториот ден од „Дигиталниот Самит“ во Скопје.

Вицепремиерот ќе биде дел од жири комисијата на „Натпреварот за убедување“ (Pitching Competition), во период од 09:30-11:30, во салата Борис Трајковски, каде што во рамките од 3-5 минути претставници на старт-ап компании од Република Македонија и регионот ќе имаат можност да ги презентираат своите бизнис идеи, а победникот на натпреварот ќе добие соодветна награда.

Учество на вицепремиерот Анѓушев на Berlin Energy Transition Dialogue 2018

Ве информираме дека на 17-18 април 2018 година, д-р Кочо Анѓушев, заменик претседател на Владата задолжен за економски прашања е во службена посета на Берлин, СР Германија, кадешто учествува на Четвртиот Самит за енергетска транзиција и дијалог за обновливи извори во енергетска безбедност (4th Berlin Energy Transition Dialogue 2018), во организација на германската Влада.

Прес конференција на вицепремиерот Анѓушев и министерот Бектеши

Ве информираме дека на 3 април 2018 година (вторник) во 11:00 часот, д-р Кочо Анѓушев, заменик претседател на Владата задолжен за економски прашања и м-р Крешник Бектеши, министер за економија, ќе одржат конференција за медиумите во Медиа центарот на Владата на Република Македонија.

Ги покануваме претставниците на медиумите да присуствуваат на прес конференцијата и да ги проследат обраќањата на вицепремиерот Анѓушев и министерот Бектеши.

Повик за искажување интерес

ПОВИК ЗА ИСКАЖУВАЊЕ ИНТЕРЕС

за Проект за воспоставување на Систем за координација во планирањето, спроведувањето, мониторинг и евалуација на политиката за рамномерен регионален развој (СиРеРа)

 

Кабинетот на Заменик претседателот на Владата на Република Македонија задолжен за економски прашања и координација на економски ресори и Амбасадата на Швајцарија во Република Македонија преку Швајцарската агенција за соработка и развој, спроведуваат проект во рамки на програмата за Одржлив и инклузивен рамномерен регионален развој во Македонија.

СиРеРа Проектот е во потрага по експерти кои се заинтересирани да бидат дел од Проектна единица за спроведување на проектот (ПЕСП) која се очекува да започне со работа во април 2018 година и ќе трае до декември 2020 година. КЗПВРМЕП го објавува овој повик за искажување интерес за експерти за клучни позиции во ПЕСП кои ќе бидат ангажирани штом се заврши процедурата за селекција на членовите на ПЕСП и се создадат соодветни технички услови за работа.

Единаесетиот состанок на Бизнис клубот на општина Гази Баба

Ве информираме дека на 30 март 2018 година (петок), д-р Кочо Анѓушев, заменик претседател на Владата задолжен за економски прашања, ќе учествува на Единаесетиот состанок на Бизнис клубот на општина Гази Баба, на кој ќе ги презентира мерките од Планот за економски раст пред присутните претставници на компаниите кои работат во Општината.

Состанокот ќе се одржи во објектот на компанијата Ариље Метал, во индустрискиот комплекс МЗТ.

Pages

Subscribe to Заменик на претседателот на Владата, задолжен за економски прашања и за координација со економските ресори RSS