Почетна

Средба на вицепремиерот Анѓушев со делегација од СР Германија– меѓусебната размена во 2018 година може да дoстигне до 4 милијарди евра

Заменик претседателот на Владата задолжен за економски прашања д-р Кочо Анѓушев оствари средба со делегација од Сојузното министерство за економија и енергетика, Стопанската комора на Германија и Источниот комитет- здружение на источна Европа на германското стопанство, предводена од г-дин Хелге Толксдорф, раководител на секторот за проширување на ЕУ, Југоисточна Европа и Турција во Сојузното министерство за економија.
Вицепремиерот Анѓушев истакна дека Сојузна Република Германија е најзначајниот трговски партнер на Република Македонија, голем број на германски компании работат со успех во земјата,  а се бележи најголем суфицит во трговската размена, пришто извозот кон Германија е речиси тројно повисок од увозот.

Вицепремиерот Анѓушев и директорот Младеновски во посета на компанијата Герешајмер-се чека одлука за инвестиција

17 август, 2018 година

Заменик претседателот на Владата задолжен за економски прашања, д-р Кочо Анѓушев и директорот на дирекцијата за технолошко-индустриски развојни зони Александар Младеновски реализираа работна посета во Сојузна Република Германија и во Република Чешка кадешто посетија два производствени погони на компанијата Герешајмер и остварија повеќе средби со менаџментот на оваа германска компанија, лидер во производството на пластични и стаклени производи за потребите на медицинската и фармацевтската индустрија.

Став на ЗПВРМ за економски прашања д-р Кочо Анѓушев во врска со случувањата за време на одбележувањето на втори август – Илинден во Крушево

03 август, 2018 година

Почитувани,

Во врска со вчерашните немили случувања за време на одбележувањето на националниот празник „2-ри август - Илинден“ во Крушево, Заменик претседателот на Владата задолжен за економски прашања д-р Кочо Анѓушев, како предводник на Владината делегација на свеченоста, изразува жалење што Ѓорге Иванов, од позицијата на претседател на Република Македонија, не покажа доблест и не собра храброст да го препознае историскиот момент, кој што значи поддршка на чекорите на Владата со кои се реализира историската заложба на македонскиот народ и граѓаните на Република Македонија за изградба на стабилна, сигурна и просперитетна иднина.

Промовирани договорите за доделување на државна помош на околу 100 компании од првиот и вториот столб на Планот за економски раст, согласно Законот за финансиска поддршка на инвестициите

01 август, 2018 година

Претседателот на Владата на Република Македонија, Зоран Заев, заедно со Заменик претседателот на Владата задолжен за економски прашања, Кочо Анѓушев и министерот за економија, Крешник Бектеши, денеска, на заедничка прес – конференција ги промовираа договорите за доделување на државна помош на компании од првиот и вториот столб на Планот за економски раст, согласно Законот за финансиска поддршка на инвестициите.

Одлуките за склучување договори со околу 100 домашни компании ги донесе Владата на вчерашната седница бидејќи фирмите ги исполнуваат условите за финансиска поддршка од прв и втор столб од Планот за економски раст, како државна помош за инвестициите што компаниите ги направиле во 2017-та година.

Вицепремиерот Анѓушев: Рекорден индустриски раст од 12,1% во јуни

31 јули, 2018 година

Заменик претседателот на Владата задолжен за економски прашања д-р Кочо Анѓушев на денешната прес конференција во Владата ги презентираше податоците за индустрискиот раст забележан во јуни, кој е најголем раст забележан за еден месец во 2018 година.

„Индустрискиот раст во јуни во 2018 споредено со јуни 2017 година, бележи раст од 12,1 процент и тоа е максимален индустриски раст забележан во претходните години. Ова покажува дека мерките кои владата ги прави се исклучително стабилни, мерките се на долг рок и тие даваат резултати“, нагласи вицепремиерот Анѓушев.

Pages

Subscribe to RSS - Почетна