Вицепремиерот Битиќи и директорот Петров го презентираа јавниот повик за кофинансирани грантови за комерцијализација на иновации–8 милиони евра финансиска поддршка се достапни за иновативни проекти на македонските компании

18 август 2021


Заменикoт на претседателот на Владата задолжен за економски прашања, координација на економските ресори и инвестиции, Фатмир Битиќи и директорот на Фонд за иновации и технолошки развој Коста Петров, денеска на заедничка прес конференција го презентираа јавниот повик за ко-финансирани грантови за комерцијализација на иновации, за кој се обезбедени 8 милиони евра за македонските компании кои ќе аплицираат со проекти за комерцијализација на иновациите.

Повикот е наменет за претпријатија кои сакаат да развијат иновативен производ, услуга или процес, сами или во соработка со друго претпријатие и/или установа која врши високообразовна, односно научноистражувачка дејност. Финансиската поддршка е достапна за домашните претпријатија кои имаат проекти со јасна комерцијална цел и кои се во фаза на прототип, па сѐ до преткомерцијална фаза. Доколку предлог проектот се поднесува од страна на конзорциум, го поднесува водечки апликант, а членови на конзорциумот можат да бидат претпријатија, високообразовни и научно-истражувачки установи од земјата и од странство.

Вицепремиерот Битиќи во своето обраќање истакна дека ова е вкупно деветти јавен повик кој ФИТР го објавува оваа година, со што уште еднаш се потврдува дека оваа институција го изгради своето реноме и се постави на позиција на вистински дом за поддршка на креативни и иновативни проекти на младите луѓе, младите фирми, старт-ап и спин-оф компаниите, но и сите други микро, мали и средни компании кои имаат планови за сопствен раст и развој.

„Со овој јавен повик очекуваме дополнително да се зголеми протфолиото на проекти кои се околу 640, но и на компании кои ги поддржува Фондот, со оглед на тоа што за овој инструмент ќе може да аплицираат само компании кои не се тековни корисници на инструментите на ФИТР. Преку инструментите за комерцијализација на иновациите и за подобрување на иновативноста во изминатите 3 години, поддржани се вкупно 198 проекти, односно околу 30% од вкупниот број, а за овие проекти преку буџетот на ФИТР за поддршка се издвоени околу 28 милиони евра, односно 66,3% од вкупно доделените средства за поддршка кои кумулативно изнесуваат 42 милиони евра. Тоа значи дека инвестираме во иновациите на компаниите, во идеите на стопанствениците, во дигитализацијата на процесите, зголемената продуктивности и конкурентност“, потенцираше вицепремиерот.

Битиќи додаде дека средствата кои се планирани преку овој јавен повик се одлична шанса за компаниите да ја забрзаат динамиката на реализација на идеите, да го унапредат своето производство, да го зголемат асортиманот на производи, продуктивноста и продажбата, а со тоа да се придонесе кон креирање на уште подобро и поконкурентно економско опкружување во нашата земја.

„Дополнително со новиот механизам, кој го воведовме за поттикнување на компаниите да бараат и дополнителни извори на финансирање, доколку корисникот достави доказ за инвеститор кој вложил износ кој изнесува најмалку 50% од износот на финансиска поддршка доделена од страна на Фондот на корисникот, корисникот ќе биде ослободен од обврската за плаќање на ројалти. Ова не само што ја зголемува поддршката за компаниите, туку и делува како перпетуално забрзување на развојот“, посочи вицепремиерот Битиќи и ги повик сите стопанственици, млади луѓе кои имаат идеи за развојни проекти, да се пријават на јавниот повик, кој ќе биде отворен до 15-ти октомври 2021 година.

Директорот на Фондот за иновации и технолошки развој, Коста Петров даде детален преглед на јавниот повик, при што ги презентираше условите за аплицирање, активностите за кои се овозможува поддршка, трошоците подобни за финансирање, како и дополнителни можности кои корисниците на ФИТР може да ги користат за финансирање на нивните проекти, процедурата за евалуација и селекција на проекти и други детали.

„Дел од активностите кои ќе бидат одобрени за финансирање се за истражување и развој, тестирање, активности поврзани со заштита на интелектуална сопственост, дизајн, развој на пилот линии и други. Некои од трошоците кои ќе бидат одобрени на проектите, се бруто плати за вработените лица кај апликантоти членовите на конзорциумот кои ќе бидат ангажирани на проектот, поддоговорни услуги за истражување и развој, трошоци за маркетинг, канцелариска и деловна поддршка и др. Фондот ќе обезбеди до 70% финансирање од вкупниот буџет на проектот, за претпријатија чиј просечен број на вработени е до 50 и чиј годишен приход во последните две години е помал од 2 милиони евра, односно до 60% финансирање од вкупниот буџет на проектот, за претпријатија чиј просечен број на вработени е од 50 до 250 и чиј годишен приход во последните две години е поголем од 2 милиолни евра, а помал од 10 милиони евра. Времетраeњето на проектите може да биде до 24 месеци“, елаборираше Петров.

Директорот посочи дека главните критериуми според кои ќе се оценуваат предлог проектите се: степен на иновативност, квалитет на проектот, капацитет на проектниот тим, потенцијал на пазарот и влијанието на проектот.

„Процесот на евалуација на предлог проектите ќе се одвива во две фази: фаза на претселекција која се спроведува од страна на три домашни стручни лица по проект, две стручни лица од областите што соодветствуваат со критериумите за евалуација и едно лице од областа што соодветствува на предлог проектот. Во втората фаза, односно фазата на селекција се спроведува од страна на Комитетот за одобрување на инвестиции, кој ја донесува и финалната одлука за финансирање преку овој инструмент“, објасни директорот на ФИТР.

Петров додаде дека покрај финансиската поддршка, на компаниите кои ќе аплицираат на овој јавен повик, Фондот им нуди можност за дополнително финансирање преку партнерите: Стопанска Банка, Тутунска Банка, Шпаркасе Банка, Прокредит Банка, УниБанка и СилкРоуд Банка, со што на компаниите им се достапни кредитни производи и услуги по привилегирани пониски каматни стапки од редовните.

„Дополнително, на компаниите им се достапни кредитите за користење на клауд платформата на Amazon Web Services, во износ од 10.000, 25.000 и 100.000 американски долари. ФИТР ќе организира и менторска поддршка наменета за компаниите кои ќе аплицираат на повикот, а ќе се однесува на фазата на подготовка, фазата на развој и реализација на идеите на компаниите“, заврши директорот на Фондот за иновации и технолошки развој, Коста Петров.

На јавниот повик кофинансирани грантови за комерцијализација на иновации, компаниите можат да аплицираат до 15.10.2021 година, до 14.00 часот, додека процесот на аплицирање и целата проектна документација се достапни на: https://fitr.mk/komercijalizacija2021/ 

 

*****

Zëvendëskryeministri Bytyqi dhe drejtori Petrov prezantuan thirrjen publike për grante të bashkëfinancuara për komercializimin e inovacioneve - 8 milionë euro ndihmë financiare janë në dispozicion për projektet novatore të kompanive maqedonase

 

Zëvendëskryeministri i Qeverisë, përgjegjës për çështje ekonomike, koordinim me resorët ekonomikë dhe investimet, Fatmir Bytyqi dhe Drejtori i Fondit të Inovacioneve dhe Zhvillimit Teknologjik, Kosta Petrov, sot në një konferencë të përbashkët shtypi prezantuan thirrjen publike për grante të bashkëfinancuara për komercializimin e inovacioneve, për të cilat janë siguruar 8 milionë euro për kompanitë maqedonase që do të aplikojnë me projekte për komercializimin e inovacioneve.

Thirrja u dedikohet ndërmarrjeve që duan të zhvillojnë një produkt, shërbim ose proces novator, vetëm ose në bashkëpunim me një kompani dhe/ose institucion tjetër që kryen arsimin e lartë, gjegjësisht veprimtari shkencore-hulumtuese. Mbështetja financiare është në dispozicion për ndërmarrjet vendase që kanë projekte me një qëllim të qartë tregtar dhe që janë në fazën e prototipit, deri në fazën para-komerciale. Nëse propozimi i projektit paraqitet nga një konsorcium, ai paraqitet nga një aplikues kryesor, dhe anëtarët e konsorciumit mund të jenë ndërmarrje, institucione të arsimit të lartë dhe të veprimtarisë shkencore-hulumtuese institucione nga vendi dhe jashtë vendit.

Në fjalimin e tij, zëvendëskryeministri Bytyqi tha se kjo është thirrja e nëntë publike që FIZHT shpall këtë vit, me çka konfirmohet edhe një herë se ky institucion ka ndërtuar reputacionin e tij dhe është pozicionuar si një shtëpi e vërtetë për të mbështetur projekte krijuese dhe novatore të të rinjve, kompanive të reja, startap dhe spin-off, por edhe të gjitha kompanitë e tjera mikro, të vogla dhe të mesme që kanë plane për rritjen dhe zhvillimin e tyre.

“Me këtë thirrje publike presim që të rrisim edhe më tej portofolin e projekteve, që janë rreth 640, por edhe të kompanive të mbështetura nga Fondi, duke qenë se VETËM kompani që nuk janë përdorues aktual të instrumenteve të  FIZHT do të mund të aplikojnë për këtë instrument. Përmes instrumenteve për komercializimin e inovacioneve dhe për përmirësimin e inovacionit në 3 vitet e fundit, u mbështetën gjithsej 198 projekte, pra rreth 30% të numrit të përgjithshëm, dhe për këto projekte përmes buxhetit të FIZHT u ndanë rreth 28 milionë euro për mbështetje, gjegjësisht 66,3% të fondeve të përgjithshme të alokuara të mbështetjes, të cilat në mënyrë kumulative arrijnë në 42 milionë euro. Kjo do të thotë që ne investojmë në inovacionet e kompanive, në idetë e biznesmenëve, në digjitalizimin e proceseve, rritjen e produktivitetit dhe konkurrencës”, potencoi zëvendëskryeministri.

Bytyqi shtoi se mjetet e planifikuara përmes thirrja publike është një shans i shkëlqyer për të përshpejtuar dinamikën e realizimit të ideve tuaja, për të përmirësuar prodhimin tuaj, për të rritur gamën e produkteve, për të rritur produktivitetin dhe shitjet, dhe kështu të kontribuoni në krijimin e një mjedisi ekonomik edhe më të mirë dhe më konkurrues në vendin tonë.

“Gjithashtu me mekanizmin e ri, të cilin e kemi futur për të inkurajuar kompanitë të kërkojnë burime shtesë të financimit, nëse shfrytëzuesi paraqet dëshmi të një investitori që ka investuar një shumë të barabartë me të paktën 50% nga shuma e mbështetjes financiare të dhënë nga Fondi për shfrytëzuesin, shfrytëzuesi do të lirohet nga detyrimi për të paguar honoraret. Kjo jo vetëm që rrit mbështetjen për kompanitë, por gjithashtu vepron si një përshpejtim personal i zhvillimit”, tha zëvendëskryeministri Bytyqi, duke u bërë thirrje të gjithë biznesmenëve, të rinjve që kanë ide për projekte zhvillimore, të aplikojnë për thirrjen publike, e cila do të jetë e hapur deri më 15 tetor 2021.

Drejtori i Fondit të Inovacioneve dhe Zhvillimit Teknologjik, Kosta Petrov, bëri një pasqyrë të detajuar të thirrjes publike, duke prezantuar kushtet për aplikim, aktivitetet për të cilat ofrohet mbështetja, kostot e pranueshme për financim, si dhe mundësitë shtesë që shfrytëzuesit e FIZHT mund t’i përdorin për financimin e projekteve të tyre, procedurën për vlerësimin dhe përzgjedhjen e projekteve dhe detaje të tjera.

"Një pjesë e aktiviteteve që do të miratohen për financim janë hulumtimi dhe zhvillimi, testimi, aktivitetet që lidhen me mbrojtjen e pronësisë intelektuale, projektimin, zhvillimin e linjave pilot dhe të tjera. Disa nga kostot që do të miratohen për projektet janë rrogat bruto për të punësuarit e aplikuesve dhe anëtarët e konsorciumit që do të angazhohen në projekt, shërbimet e kërkimit dhe zhvillimit të nënkontraktuar, kostot e marketingut, mbështetjen e zyrës dhe biznesit, etj. Fondi do të sigurojë deri në 70% financim nga buxheti i përgjithshëm i projektit, për kompanitë, numri mesatar i të punësuarve të të cilëve është deri në 50 të punësuar dhe të ardhurat vjetore të të cilave në dy vitet e fundit janë më pak se 2 milionë euro, pra deri në 60% financim nga buxheti i përgjithshëm i projektit, për kompanitë, numri mesatar i të punësuarve të të cilëve është nga 50 në 250 të punësuar dhe të ardhurat vjetore të të cilave në dy vitet e fundit janë më shumë se 2 milionë euro dhe më pak se 10 milionë euro. Kohëzgjatja e projekteve mund të jetë deri në 24 muaj” elaboroi Petrov.

Drejtori vuri në dukje se kriteret kryesore sipas të cilave do të vlerësohen propozimet e projektit janë: shkalla e inovacionit, cilësia e projektit, kapaciteti i ekipit të projektit, potenciali i tregut dhe ndikimi i projektit.

“Procesi i vlerësimit të projekt propozimeve do të zhvillohet në dy faza: një fazë e para-përzgjedhjes e kryer nga tre ekspertë vendas për projekt, dy ekspertë të fushës që plotësojnë kriteret e vlerësimit dhe një person në fushën që korrespondon me projektin projekti. Në fazën e dytë, pra fazën e përzgjedhjes, ajo zbatohet nga Komiteti i miratimit të investimeve, i cili merr vendimin përfundimtar për financimin përmes këtij instrumenti ”, sqaroi drejtori i FIZHT.

Petrov shtoi se përveç mbështetjes financiare, Fondi u ofron kompanive që do të aplikojnë për këtë thirrje publike për financim shtesë përmes partnerëve: Stopanska Banka, Tutunska Banka, Sparkasse Bank, ProCredit Bank, UniBanka dhe Silk Road Bank, e cila u jep kompanive produktet dhe shërbimet e kredisë në dispozicion me norma preferenciale më të ulëta interesi sesa ato të zakonshme.

“Gjitashtu, kompanitë kanë në dispozicion 10.000 dollarë, 25.000 dollarë dhe 100.000 dollarë hua për të përdorur platformën cloud të shërbimeve të Amazon Web Services. FIZHT gjithashtu do të organizojë mbështetje mentorimi për kompanitë që do të aplikojnë për thirrjen, dhe do t’i referohet fazës së përgatitjes, fazës së zhvillimit dhe realizimit të ideve të kompanive”, përfundoi drejtori i Fondit të Inovacioneve dhe Zhvillimit Teknologjik , Kosta Petrov.

Në thirrjen publike për grante të bashkëfinancuara për komercializimin e inovacioneve, kompanitë mund të aplikojnë deri më 15.10.2021, deri në orën 14.00, ndërsa procesi i aplikimit dhe i gjithë dokumentacioni i projektit janë në dispozicion në: https://fitr.mk/komercijalizacija2021/ 

 

Линк до Јавниот повик

Презентација_Јавен повик_Kомерцијализација на иновации_MKД

Презентација_Јавен повик_Kомерцијализација на иновации_АЛБ

 

Линк до видео од прес конференцијата на ЗПВ Битиќи и ДФИТР Петров

Undefined
АКТУЕЛНОСТИ: