Вицепремиерката Царовска на координативен состанок за подготовка на проектна апликација за Зелен климатски фонд – Утврден е планот на активности и дефинирани клучните сектори за поддршка

21 јули 2020


Заменичката на претседателот на Владата задолжена за економски прашања и координација со економските ресори Мила Царовска, во својство на Национален координатор за Зелениот климатски фонд (ЗКФ), денес преку видео конференциска врска, одржа координативен состанок за подготовката на третата проектна апликација за „Програма на подготвителност“ на ЗКФ, најголемиот глобален фонд со кој се поддржуваат земјите во развој за справување со климатските промени.

Вицепремиерката Царовска со владин тим на средба со угостители, туристичките работници и транспортери

20 јули 2020


Заменичката на претседателот на Владата за економски прашања Мила Царовска и Владин економски тим се сретнаа со претставници од угостителската и туристичката дејност и лица од компании кои се занимаваат со превоз на патници. На работната средба беше истакнато дека овие неколку сектори трпат најголеми штети од пандемијата предизвикана од коронавирусот Ковид-19, но со навремено креирање на мерки и протоколи од страна на Владата, сепак, овие фирми останаа ликвидни и во време кога не работеа.

Вицепремиерката Царовска на политички форум на високо ниво на Организацијата на Обединетите Нации го презентираше „Доброволниот национален преглед“ – Северна Македонија е на правата патека за остварување на целите за одржлив развој на општеството

17 јули 2020


Делегација од Република Северна Македонија, која ја предводеше заменичката на претседателот на Владата задолжена за економски прашања и координација со економските ресори, Мила Царовска, а во која уште беа претседателката на МАСИТ, Анета Антова Пешева (како претставник на бизнис заедницата), директорката на тинк-тенк организацијата „Фајнанс Тинк“, Благица Петрески (како претставник на граѓанското општество) и претставничката на младинската мрежа „Y-PEER“, Кристина Ангeлевска (како претставник на младите)  учествуваше на политичкиот форум на високо ниво, организиран од Економско социјалниот совет на ООН (United Nations economic and Social Council - ECOSOC), преку  видео конференциска врска. 

Среда, 15 јули, е неработен ден за сите граѓани во Република Северна Македонија поради одржување на предвремени парламентарни избори

14 јули 2020

Согласно заклучокот на Владата од 74-тата седница одржана на 7 јули 2020 година, среда, 15 јули, е неработен ден за сите граѓани во Република Северна Македонија поради одржување на предвремени парламентарни избори и истиот нема да се одработува.

Pages

Subscribe to Заменик на претседателот на Владата, задолжен за економски прашања и за координација со економските ресори RSS