Вицепремиерот Анѓушев на средба со стопанските комори: Владата реализираше низа мерки и ќе продолжи со унапредување на политиките во насока на побрз и одржлив раст на стопанството и економијата



23 јули 2019

Владата и бизнис секторот имаат отворена и искрена комуникација, преку која се креираат и имплементираат најсоодветни политики за побрз и одржлив економски раст во Република Северна Македонија, истакна вицепремиерот за економски прашања д-р Кочо Анѓушев на денешната трета седница на Комисијата за јавно приватен дијалог, која се одржува во рамките на „Проектот за подобра бизнис регулатива“, спроведуван од Стопанската комора на Македонија, Сојузот на стопански комори, МАСИТ и Стопанската комора на Северозападна Македонија, во соработка си ЕПИ центар, поддржан од УСАИД.

Вицепремиерот нагласи дека со меѓусебна соработка помеѓу Владата и стопанството, претставувано од стопанските комори, во изминатиот период се донесени низа на економски политики, закони и мерки, кои се во насока на технолошки развоj и воведување иновации, а со тоа и подигнување на конкурентноста на компаниите, но и за раст на плати и подобрување на животниот стандард на граѓаните. Законот за финансиска поддршка овозможува подеднаква поддршка за домашните и странските компании, со новиот Закон за енергетика се раздвижува енергетскиот сектор и се овозможени инвестиции во обновливите извори на енергија, Законот за јавни набавки и Законот за практиканство, сите овие законски решенија се донесени преку отворени дебати и на барање на стопанството, пред се во насока на подобрување на бизнис климата во земјата, појасни Анѓушев.

Вицепремиерот дополни дека продолжуваат активностите во изградба на квалитетна патна и железничка инфраструктура, како и гасификацијата и електро енергетските проекти, за зголемување на конкурентноста на економијата во Северна Македонија, при што најави дека во периодот кој следи Владата ќе објави нови мерки кои ќе стимулираат забрзан раст на платите, но и на севкупната економија.

Претставниците од стопанските комори изразија очекување дека соработката помеѓу Владата, министерствата и бизнис секторот ќе продолжи да се развива во позитивна насока и дека ќе се задржи позитивниот тренд да бидат консултирани при носење на важни законски решенија, со кои би било засегнато стопанството. 

 

Линк до видео со инсерти од седницата:

English
АКТУЕЛНОСТИ: