Почетна

На ден пред истекот на рокот висока и охрабрувачка бројка од над 19 илјади компании аплицираа за мерката финансиска поддршка за исплата на платите за зачувување на што повеќе работни места

6 мај 2020

Над 19 илјади компании досега аплицирале за мерката за финансиска поддршка за исплата на платите за месеците април и мај во износ најмногу до 14.500 денари месечно по работник преку која се овозможува континуитетот на работните процеси, се обезбедува основа за редовна исплата на плати и придонеси, при што се создаваат сериозни услови да се сочуваат работните места.

Од 49-тата седница на Владата: Започна постапката за прогласување на Шар Планина за Национален парк и за Осоговски Планини за заштитено подрачје од 5-та категорија

5 мај 2020

Владата на Република Северна Македонија на денешната 49-та седница, ги разгледа и усвои Информациите за потребата, како и одлуките за прифатливост за прогласување на дел од Шар Планина за заштитено подрачје во категорија II - Национален парк и за прогласување на дел од Осоговските Планини за заштитено подрачје во категорија V - заштитен предел, тргнувајќи од јасна политичка волја и определба да се стават под заштита природните убавини и реткости.

Претседателката на Инспекцискиот совет Филиповска-Грашкоска: Инспекторите утврдија високо ниво на почитување на владините одлуки, мерки и препораки, недоследностите соодветно се санкционираат

5 мај 2020


Претседателката на Инспекцискиот совет Магдалена Филиповска-Грашкоска, ги презентираше наодите од шест инспекциски служби во надлежност на Советот, коишто во периодот од 27 април до 3 мај реализираа 3.086 надзори, во насока на целосно почитување на одлуките, мерките и препораките на Владата за заштита од коронавирусот КОВИД-19.

На два дена пред истекот на рокот 12.480 компании аплицираа за мерката финансиска поддршка за исплата на платите, на компаниите до април им е вратен ДДВ во износ од 145 милиони евра, што е за 16,7% повеќе од истиот период лани

5 мај 2020


Дванаесет илјади четиристотини и осумдесет компании аплицирале за мерката за финансиска поддршка за исплата на платите за месеците април и мај во износ најмногу до 14.500 денари месечно по работник со која се овозможува континуитетот на работните процеси, обезбедивме основа за редовна исплата на плати и придонеси, при што се  создадоа и сериозни услови да се сочуваат работните места.

Царовска на координација со УНДП и граѓанските организации: Сите предлози и сугестии се добредојдени, Владата вложува максимални напори да ги заштити работниците и бизнисот

4 мај 2020


Заменичката на престедателот на Владата задолжена за економски прашања Мила Царовска денес  одржа редовна координација со преставници на граѓанските организации Гласен текстилец, Хелсиншки комитет , ХЕРА, Платформата за борба против сиромаштија , Мрежата против насилство врз жените и УНДП. На состанокот преку апликацијата „ЗУМ“  се дискутираше за спроведувањето на мерките и препораките на Владата во делот на заштита на работничките права, инспекциските надзори, почитувањето на протоколите од страна на работниците и копаниите и можностите за користење на државна помош во случај на губење на работа. Исто така, се зборуваше и за правото на  користење на родителкото платено отсуство за работници коишто имаат деца на возраст до 10 години.

Pages

Subscribe to RSS - Почетна