АКТУЕЛНОСТИ

Интервју на вицепремиерот за економски прашања д-р Кочо Анѓушев за Гласот на Америка (Voice of America)

23 ноември, 2017 година

Во продолжение Ви доставуваме видео од интервјуто на Заменик претседателот на Владата задолжен за економски прашања д-р Кочо Анѓушев, за Гласот на Америка (Voice of America), на крајот на официјалната посета на вицепремиерот Анѓушев на САД.

Заврши Трансатлантскиот економски форум во Вашингтон – Премиерот Заев единствен од регионот со награда за лидерство

16 ноември, 2017 година

 

Заменик претседателот на Владата задолжен за економски прашања д-р Кочо Анѓушев, на завршната свеченост на Трансатлантскиот економски форум во Вашингтон, во име на Премиерот Зоран Заев ја прими наградата „Лидери на Медитеранот“, која се доделува за особен придонес за поттикнувањето на трговијата и инвестициите во Медитеранот.

„Наградата која денес ја примам, во името на премиерот Зоран Заев, е признание за неговата работа, но и за работата на Владата која ја предводи. Бидејќи добро го познавам и имам можност секојдневно да работам со него, тврдам дека оваа награда ќе оди во вистински раце“, изјави вицепремиерот пред присутните.

Потпишан Меморандум за разбирање помеѓу Владата, Министерството за локална самоуправа и Амбасадата на Швајцарија

10 ноември, 2017 година

Со потпишување на Меморандум во Владата на Република Македонија од страна на вицепремиерот за економски прашања, г. Кочо Анѓушев, министерот за локална самоуправа г. Сухејл Фазлиу и амбасадорката на Швајцарија во Република Македонија НЕ Сибил Сутер Техада, отпочнува имплементацијата на нов проект за поттикнување на рамномерниот регионален развој во државата, во вредност од 5,4 милиони швајцарски франци.

Јавен повик за изразување интерес за консултантски услуги

Кабинетот на заменикот на претседателот на владата за економски прашања и координација со економските ресори (КЗПВЕП) го спроведува Проектот за локална и регионална конкурентност во туризмот (ПЛРКТ) во Македонија. Проектот ќе биде финансиран со дотација од Европската Унија во рамки на Програмата ИПА II.

За таа цел има намера да спроведе постапка за ангажирање на индивидуален консултант – Специјалист за набавки за потребите на овој проект.

Pages

Subscribe to RSS - АКТУЕЛНОСТИ