Заменикот на Претседателот на Владата задолжен за економски прашања и координација на економските ресори, Фатмир Битиќи, оствари прва официјална средба со амбасадорот на Република Бугарија, Н.Е. Ангел Ангелов, на која стана збор за досегашната економска соработка помеѓу двете земји, како и за идната соработка, за која се согласија дека има голем потенцијал да расте.
Амбасадорот Ангелов упати честитики кон вицепремиерот Битиќи за новопреземената должност и изрази очекување дека Република Северна Македонија ќе продолжи со успех по евро-интеграцискиот пат, како и дека соработката помеѓу двете земји ќе продолжи да се развива во позитивна насока.
Претседателот на Владата на Република Северна Македонија Зоран Заев на денешната втора седница, на министрите и министерките им ги врачи мандатните писма со утврдена мисија и задачи во нивниот четиригодишен мандат.
Повикувајќи ги да вложат максимални напори и ефективно да работат, премиерот Заев на министрите и министерките од новиот состав им порача да го слушаат гласот на народот и да им служат на сите граѓани, без разлика на нивната етничка, партиска припадност, пол, род, сексуална ориентација, родов идентитет, раса, боја на кожа, потекло, припадност на маргинализирана група, социјално потекло, образование, религија, политичко уверување или било каква друга поделба.
Претседателот на Владата на Република Северна Македонија Зоран Заев заедно со министрите задолжени за економските ресори Фатмир Битиќи - заменик на премиерот задолжен за економски прашања и координација со економските ресори, Фатмир Бесими - министер за финансии, Арјанит Хоџа - министер за земјоделство, шумарство и водостопанство, Јагода Шахпаска - министерка за труд и социјална политика, Благој Бочварски - министер за транспорт и врски, Насер Нуредини - министер за животна средина и просторно планирање и Венко Филипче - министер за здравство, денеска имаа средба со претставници на Сојузот на стопански комори.
Претседателот на Владата на Република Северна Македонија Зоран Заев на денешната прва, конститутивна седница, им го честиташе изборот на членовите на Владата и им посака успех во реализацијата на Програмата за работа на Владата во периодот од 2020 до 2024 година.
На оваа конститутивна седница беа определени замениците на претседателот на Владата и тоа Артан Груби, министер за политички систем и односи меѓу заедниците, кој ќе биде и прв заменик претседател на Владата, Љупчо Николовски – заменик претседател за борба против корупција, за одржлив развој и човечки ресурси, Фатмир Битиќи – за заменик претседател на Владата за економски прашања и за координација со економските ресори и Никола Димитров за заменик претседател на Владата задолжен за европски прашања.
