Ударот на пандемијата што не завршува во здравствениот систем, доаѓа во системот на социјална заштита. Затоа мерките со кои се помага на ранливите граѓани и домаќинства во кризата што ја предизвика КОВИД-19 се клучни, зашто од една страна ги ублажуваат последиците врз оние наши сограѓани кои останале без приходи а од друга страна овозможуваат подоцна државата полесно да го мине процесот на економско заздравување. Ова го посочи заменик министерот за труд и социјална политика, Ѓонул Бајрактар на денешната прес-конференција, на која заедно со дополнителната заменик министерка, Санела Шкријељ говореа за прилагодувањето на системот на социјална заштита за брз одговор во услови на здравствено- економска криза.
Заменичката на престедателот на Владата задолжена за економски прашања Мила Царовска, заменик министерот за труд и социјална политика Ѓонул Бајрактар и дополнителната заменик министерка за труд и социјална политика Санела Шкријељ, денес одржаа координативен состанок со директорите на трудовиот и транспортниот инспекторат Алајдин Хавзиу и Руфат Хусеини, претседателката на Советот на инспектори Магдалена Филиповска Грашкоска и со преставници на Сојузот на синдикати на Македонија, „Гласен текстилец“, „Хелсиншки комитет“, „ХЕРА“, „ФООМ“, „Платформата за борба против сиромаштија“, „Мрежата против насилство врз жените“ и УНДП.
Министерот за економија Крешник Бектеши денеска на прес-конференција во Владата информираше за реализација на мерките и Програмите на Министерството за економија.
Над 19 илјади компании досега аплицирале за мерката за финансиска поддршка за исплата на платите за месеците април и мај во износ најмногу до 14.500 денари месечно по работник преку која се овозможува континуитетот на работните процеси, се обезбедува основа за редовна исплата на плати и придонеси, при што се создаваат сериозни услови да се сочуваат работните места.
Владата на Република Северна Македонија на денешната 49-та седница, ги разгледа и усвои Информациите за потребата, како и одлуките за прифатливост за прогласување на дел од Шар Планина за заштитено подрачје во категорија II - Национален парк и за прогласување на дел од Осоговските Планини за заштитено подрачје во категорија V - заштитен предел, тргнувајќи од јасна политичка волја и определба да се стават под заштита природните убавини и реткости.
