„Северна Македонија ќе добие соларен парк, кој ќе биде еден од најголемите во Европа со капацитет за производство на електрична енергија од 360 до 400 мегавати (MW). Станува збор за директна француска гринфилд инвестиција најголема во овој домен, за македонската економија. Соларниот парк „Стипион“ ќе се гради во текот на 2022 година на локацијата која беше предвидена за изградба на карго аеродромот во Штип на површина од 452 хектари“, рече премиерот Зоран Заев на денешната промоција на инвестицијата во присуство на амбасадорот на Франција Сирил Бомгартнер, како и претставници на менаџментот на француската компанија „Акио Енерџи“.
Заменикот на претседателот на Владата задолжен за економски прашања, координација на економските ресори и инвестиции, Фатмир Битиќи денес се сретна со заменикот помошник државен секретар на Соединетите Американски Држави, Габриел Ескобар, кој е во работна посета на Република Северна Македонија, а беше придружуван од амбасадорката на САД, Кејт Мари Брнз.
4 Декември 2021 година, Тирана, Република Албанија
Заменик претседателот на Владата задолжен за економски прашања, координација на економските ресори и инвестиции, Фатмир Битиќи, денеска го посети "Меѓународниот саем во Тирана 2021" кој е во организација на "групацијата Клик Експо" во соработка со градот Тирана, Стопанската комора на Албанија и Коморскиот инвестициски форум за Западен Балкан и е во рамките на иницијативата "Отворен Балкан", кој се одржува од 1-4 декември со слоган "Еден Балкан, посилен Балкан", а на кој изложуваат над 500 компании од сите земји на Западен Балкан и други 25 земји од светот.
На денешната 124-та редовна седница, Владата донесе Одлука за определување на највисоки цени на основни прехранбени производи во трговијата на големо и трговијата на мало.
Со оваа одлука се определуваат највисоки цени во трговијата на големо и трговијата на мало на основните прехранбени производи, и тоа за: леб; шеќер; брашно – тип 400; сончогледово масло за јадење; трајно млеко со масленост од 2,8%, 3,2% и 3,5%; свежо месо и сувомеснати производи; и сирење и урда.
Вчера и денеска, во Будва, во организација на Владата на Црна Гора, се одржуваат Самитот на шефови на Влади на Централно Европската иницијатива и Конференцијата за економија во рамките на Самитот, на кои заедно со лидерите на Владите на земјите членки на Централно Европската иницијатива, како и со претставниците на бизнис заедницата од 17-те земји членки на иницијативата имавме плодни дискусии, разговаравме за политичките односи, создавање на услови за побрз и одржлив економски развој, како и за еден од најголемите предизвици, а тоа е справувањето со последиците од коронавирусот Ковид 19, зајакнувањето на здравствените системи и креирање на благосостојбата на граѓаните од регионот на Западен Балкан.
