4 декември 2019

Заменикот на претседателот на Владата задолжен за економски прашања д-р Кочо Анѓушев, амбасадорот на ЕУ, Н.Е. г. Самуел Жбогар и директорот на канцеларијата на Светска банка за Северна Македонија и Косово, г. Марко Мантованели, присуствуваа на промоцијата на подпроектот „Планински велосипедизам“ на здружението Малешевска корија, дел од Проектот за локална и регионална конкурентност, кој се реализира од Кабинетот на Вицепремиерот со финансиска поддршка од делегацијата на Европска Унија и од Светска банка.

3 декември 2019

На денешната седница на Советот за рамномерен регионален развој со која претседаваше заменик претседателот на Владата задолжен за економски прашања, д-р Кочо Анѓушев се дискутираше за предлогот на министерството за локална самоуправа, за распределба на средства за финансирање на проекти на планските региони од Програмата за рамномерен регионален развој за 2019 година. Средствата во износ од околу 21,6 милиони денари се резултат на заштеди остварени при реализација на проекти од страна на Центрите за развој на планските региони во сите осум плански региони. Поради ова, Советот на денешната седница донесе oдлука овие средства да бидат доделени за 3 нови проекти и за зголемување на износот на 5 веќепостојни  проекти. 

29 ноември 2019

Предлог Стратегијата за енергетика за периодот од 2020-2040 година, изработена од страна на Истражувачкиот центар за енергетика и оддржлив развој во МАНУ, денес беше презентирана пред сите релевантни чинители во енергетското живеење во земјата. Предлог стратегијата е изработена во соработка со консултантската куќа Прајсватерхаус Куперс (PwC), а во креирањето се консултирани сите релевантни државни институции, бизнис заедницата, невладини организации и други чинители, додека финансиски е поддржана со грант од Владата на Обединетото Кралство на Велика Британија и Северна Ирска.