27 февруари 2019
Заменикот на претседателот на Владата за економски прашања д-р Кочо Анѓушев присуствуваше на церемонијата за доделување на наградите „Предводници на Целите за одржлив развој“, што се одржа за првпат во нашата земја, како дел од проектот „Градење меѓуресорски партнерства за одржлив развој“. Проектот е спроведен од организациите „Konekt“, „Agora“ и „Network Bulgaria“, а е поддржан од УНИЦЕФ и Делегацијата на Европската Унија. Обраќајќи се пред добитниците на наградите, претставници на компании, поединци и млади бизнис лидери, Вицепремиерот ја истакна важноста на исполнувањето на овие цели и улогата што овие компании ја имаат.
