Календар на настани

Ве информираме дека Заменик претседателот на Владата задолжен за економски прашања д-р Кочо Анѓушев на 17-ти и 18-ти мај ќе оствари службена посета во Република Бугарија каде што ќе учествува на дел од активностите во рамките на самитот ЕУ-Западен Балкан.

На 17-ти мај во попладневните часови вицепремиерот Анѓушев, ќе учествува на настан во организација на Светскиот економски форум, додека на 18-ти мај во утринските часови ќе учествува на „Виенскиот економски форум“, настани кои ќе се одржуваат во Националниот дворец на културата во Софија.

Ве информираме дека на 9 мај 2018 година (среда), во Свечената сала на Владата на Република Македонија ќе се одржи дваесеттата седница на Советот за рамномерен регионален развој.

Покануваме претставници на медиумите во 10:45 да снимат инсерти од Седницатa во Свечената сала, a потоа околу 11:00 часот да земат изјави од вицепремиерот Кочо Анѓушев и министерот за локална самоуправа Сухејл Фазлиу.

Ве информираме дека на 5 мај 2018 година (сабота), д-р Кочо Анѓушев, заменик претседател на Владата задолжен за економски прашања, на покана на инвеститорот, ќе присуствува и ќе се обрати на свеченото отворање на вториот производствен капацитет на компанијата Антура МК во Кочани.

Настанот ќе се одржи во кругот на компанијата Антура (ул. Оризова бр. 15) во Кочани, а официјалниот дел започнува во 12:00 часот.