14 август 2021
Владата на Косово и на Северна Македонија се очекува да одржат заеднички состанок во септември оваа година, чија цел е потпишување на договори што ги опфаќаат речиси сите сектори. Изјави заменик претседателот на Владата за економски прашања на соседната земја, Фатмир Битиќи, според кого, подготовките за оваа средба се во завршна фаза. Во интервјуто за КосоваПрес, Битиќи зборува и за иницијативата „Отворен Балкан“, мерките за штедење како резултат на пандемијата и реакцијата на владата на Северна Македонија за економското заздравување.
Тој вели дека на заедничкиот состанок на владите јасно ќе се покаже што значи духот на регионалната соработка.
„Подготовките се во завршна фаза, според последните информации оваа недела, мислам дека во септември може да се одржи заедничка средба меѓу двете земји каде што навистина мислам дека ќе покажеме отворено што навистина значи духот на регионалната соработка, бидејќи ќе има потпишување на неколку договори и заеднички иницијативи за да им се овозможи на нашите граѓани навистина да имаат поголема соработка и побрз просперитет отколку што имале досега “, вели Битиќи.
Покрај економските договори, Битиќи вели дека ќе има потписи за соработка во речиси сите области.
„Различни, во различни области, од аспект на економските договори, регионалната соработка на двете земји, речиси сите институции се вклучени и ќе има серија договори што ќе бидат потпишани, но во тек се последните подготовки, сметам дека наскоро ќе биде познато на јавноста“, рече тој.
Заменик претседателот на Владата за економски прашања на Северна Македонија вели дека набргу ќе биде познато и местото каде ќе се одржи овој состанок како и неговите приоритети.
Линк до интервјуто од Косова Прес на албански јазик
