14 Февруари 2022 година
Претседателот на Владата на Република Северна Македонија Димитар Ковачевски, денеска посети повеќе места во Тиквешкиот регион, честитајќи го Св. Трифун и посакувајќи успешна година на лозарите и винарите, при што истакна дека Владата останува партнер за развој на земјоделските дејности со најголем раст во нашата земја.
Премиерот Ковачевски во Демир Капија и Кавадарци ги посети винарниците „Кралица Марија“, „Попови“, и винарниците на Тиквеш во селата Трстеник и Лепово, и со нивните први луѓе разговараше за долгорочната стратегија на Владата која меѓу другото вклучува мерки за подобрување на амбиентот за стопанисување, поволен и за лозарите и винарниците.
Дел од тие мерки се и измените во Програмата за финансиска поддршка во земјоделството со авансната финансиска поддршка, зголемениот износ за мерката зелена нафта, како и грантовите за малите винарници.
Заедно со останатите мерки, како и со мерките од ИПАРД Програмата, кои се дополнителна поддршка за модернизирање и развој на оваа гранка преку инвестиции за изградба на винарници и набавка на опрема и друго, поддршката за лозарите и винариите обезбедува економски развој на Тиквешкиот регион, нови вработувања и конкурентност на производите на домашниот и странскиот пазар.
Премиерот Ковачевски, на денешните средби со лозарите и винарите, во придружба на заменикот на претседателот на Владата, задолжен за економски прашања, координација на економските ресори и инвестиции, Фатмир Битиќи, министерот за земјоделство, шумарство и водостопанство, Љупчо Николовски, заменик-министерот за земјоделство, шумарство и водостопанство, Абдулшуќур Абедини и директорот на Агенцијата за финансиска поддршка во земјоделството и руралниот развој, Никица Бачовски, потенцираше дека Владата продолжува со мерките и стимулациите за производство на квалитетно грозје и вино на пазарот, со цел негова поголема промоција и зголемување на извозот, оценувајќи дека се надминати времињата на неизвесност за лозарите и винарите.
Видео со инсерти од посетата на премиерот Ковачевски, вицепремиерот Битиќи и министерот Николовски на винаријата „Попови" во Кавадарци
Видео со инсерти од посетата на премиерот Ковачевски, вицепремиерот Битиќи и министерот Николовски во областа Лепово
