Посета на вицепремиерот Анѓушев на Кралството Белгија

Ве информираме дека на 13 и 14 март 2018 година, д-р Кочо Анѓушев, Заменик претседател на Владата задолжен за економски прашања, ќе оствари службена посета на Кралството Белгија.

За време на посетата вицепремиерот Анѓушев ќе учествува на тркалезна маса во организација на стопанската комора ВОКА (Voka - Kamer van Koophandel Antwerpen Waasland) во Антверпен, а ќе оствари и средба во Брисел со заменик претседателот на Владата и министер за економија и вработувања на Кралството Белгија, г-дин Крис Петерс.

Голем интерес за мерките од планот за еконосмки раст во Куманово – Анѓушев: Владата дава поддршка за развој на компаниите во Куманово и во цела Македонија

10 март, 2018 година

Седумдесетина компании од Куманово и кумановската околина присуствуваа на денешната трибина, која се одржа во Занаетчискиот дом, а на која беа презентирани мерките од Планот за економски раст.

English

Средба на вицепремиерот Анѓушев, МЕ Бектеши и ДФИТР Деспотовски со ССК

Ве информираме дека на 12 март 2018 година (понеделник), д-р Кочо Анѓушев, заменик претседател на Владата задолжен за економски прашања, м-р Крешник Бектеши, министер за економија и Јован Деспотовски, директор на Фондот за иновации и технолошки развој ќе остварат средба со претставници на компании - членки на Сојузот на стопански комори на Македонија (ССК).

Состанокот ќе се одржи во салата за состаноци на ССК (Црвена Скопска Општина бр. 10 – плоштад Филип Втори, влезот гледа кон новата зграда на Македонската филхармонија), а планирани се изјави за медиумите околу 13:00 часот.

Трибина за мерките од планот за економски раст во Куманово 10.03.2018

Ве информираме дека утре, на 10 март 2018 година (сабота), д-р Кочо Анѓушев, заменик претседател на Владата задолжен за економски прашања, г-ѓа Зорица Апостолска, министерка задолжена за странски инвестиции и д-р Зоран Шапуриќ, министер задолжен за регулатива за подобрување на инвестициската клима за домашните претпријатија, ќе учествуваат на трибина со стопанственици од Куманово и кумановскиот регион на која ќе бидат презентирани можностите за компаниите со спроведување на мерките од Планот за економски раст на Владата.

Обраќање на вицепремиерот Анѓушев на настан за Европската недела на стартапи

Почитувани,

Ве информираме дека денес, на 9 март 2018 година (петок), д-р Кочо Анѓушев, заменик претседател на Владата задолжен за економски прашања, ќе се обрати на настан со кој ќе се одбележи Европската недела на стартапи 2018 (Startup Europe Week 2018),

Настанот е во организација на Фондот за иновации и технолошки развој, ќе започне во 16:00 часот, а ќе се одржи во Центарот за дизајн и иновации „Јавна соба“ на ул „50-та Дивизија“ бр. 22, во близина на Клинички центар и средното училиште за физичка култура „Методија Митевски Брицо“.

Pages

Subscribe to Заменик на претседателот на Владата, задолжен за економски прашања и за координација со економските ресори RSS