Свечено преземање на функцијата Вицепремиер за економски прашања – Битиќи и Царовска се согласија дека новата Влада ќе продолжи со креирање на политики и мерки за развој на економијата и за подобар животен стандард на граѓаните

31 август 2020

IMG_1500.JPG


Денес во Владата на Република Северна Македонија беше извршено примо-предавањето на должноста заменик на Претседателот на Владата задолжен за економски прашања и координација на економските ресори помеѓу досегашната вицепремиерка Мила Царовска и ново назначениот вицепремиер Фатмир Битиќи.

Царовска и Битиќи на официјалното примо-предавање на надлежноста разговараа за  досега сработеното и за идните предизвици поврзани со економскиот раст и развој на Република Северна Македонија. Во срдечна атмосфера обајцата си посакаа многу успех во претстојниот мандат, ефикасно справување со предизвиците и квалитетна соработка, имајќи ја повисоката цел в предвид, а тоа е држава со која сите ќе се гордееме.

Одделни средби во Владата на претставниците на родителите кои се залагаат за онлајн настава во образовниот процес и на претставниците на родителите кои застапуваат став за настава со физичко присуство

26 август 2020


Претседателот на Владата на Република Северна Македонија Оливер Спасовски, заменичката-министерка задолжена за координација со економските ресори Мила Царовска, министерот за образование и наука Арбер Адеми, министерот за здравство д-р Венко Филипче и заменичката министерка за образование и наука Елизабета Наумовска, во одделни средби денеска ги примија претставниците на родителите кои се залагаат за онлајн настава во образовниот процес во учебната 2020/2021 година и претставниците на родителите кои застапуваат став за настава со физичко присуство.

Од 82-ра седница на Владата:Усвоени протоколите за физичка настава во основните и средните училишта;МОН задолжен да го промени календарот за почеток на учебната година на 1 октомври;Задолжителен ПЦР тест за државјаните на Косово кои транзитираат низ РСМ

26 август 2020

Владата на Република Северна Македонија на денешната 82-ра седница го усвои Протоколот за постапување на основните училишта во Република Северна Македонија за реализација на воспитно-образовниот процес со физичко присуство на учениците во учебната 2020/2021 година и Протоколот за постапување на средните училишта во Република Северна Mакедонија за реализација на воспитно-образовниот процес со физичко присуство на учениците во учебната 2020/2021 година.

Владата и претставниците на средношколците ќе соработуваат на усовршување и најдобра имплементација на моделот според кој ќе се организира и спроведува наставата во основното и средното образование во услови на КОВИД-19

21 август 2020


Претседателот на Владата на Република Северна Македонија, Оливер Спасовски, заменичка на претседателот на Владата задолжена за економски прашања, Мила Царовска, министерот за образование, Арбер Адеми, министерот за здравство, Венко Филипче, заменик-министерката за образование, Елизабета Наумоска, примија делегација на Сојузот на средношколци предводена од претседателот на сојузот Бленди Ходаи.

Вицепремиерката Царовска и министерот Димковски во работна посета во Неготино – Со поддршка од ЕУ и средства од Владата се развиваат винскиот и еко туризмот и пчеларството во Тиквешијата

19 август 2020


Заменичката на претседателот на Владата задолжена за економски прашања Мила Царовска и министерот за земјоделство, шумарство и водостопанство Трајан Димковски, заедно со раководителот на Секторот за соработка во Делегацијата на Европската Унија, Никола Бертолини и градоначалникот на Неготино Тони Делков, реализираа посета на оваа општина, за време на која извшрија увид во активностите кои се спроведуват во рамките на потпроектот „Вински, aпи и еко туризам во Неготино и околината“, дел од Проектот за локална и регионална конкурентност, финансисиран со средства од Владата на Република Северна Македонија, општина Неготино и Делегацијата на Европска Унија, а кој се спроведува во соработа со канцеларијата на Светска банка.

Pages

Subscribe to Заменик на претседателот на Владата, задолжен за економски прашања и за координација со економските ресори RSS