17 Декември 2021 година

Во рамките на континуираниот процес на дијалог и дискусија помеѓу Владата и другите органи на државна управа со преставниците на бизнис секторот, во Владата на Република Северна Македонија се одржа редовна седница на Комисијата за јавно-приватен дијалог со која ко-претседаваше Заменикот на претседателот на Владата, задолжен за економски прашања, координација на економските ресори и инвестиции, Фатмир Битиќи, а присуствуваа и заменикот министер за информатичко општество и администрација, Александар Бајдевски, државната секретарка во министерството за економија Размена Чекиќ Дуровиќ, директорот на Бирото за јавни набавки, Борче Хаџиев, советникот на претседателот на Владата Милан Живковиќ, претставници од Министерството за труд и социјална политика, како и претседателите на стопанските комори, членки на Платформата за јавно-приватен дијалог Трајан Ангелоски (Сојуз на стопански комори), Неби Хоџа (Стопанска комора на Северозападна Македонија), Анета Антова Пешева (МАСИТ) и претставникот на Стопанска комора на Северна Македонија, Зоран Јовановски.

17 Декември 2021 година

Заменикот на претседателот на Владата задолжен за економски прашања, координација на економските ресори и инвестиции, Фатмир Битиќи, министерката за образование и наука, Мила Царовска, државната секретарка во министерството за економија Размена Чекиќ Дуровиќ, замениците амбасадори на СР Германија и Швајцарија, претставници на делегацијата на ЕУ, резидентниот претставник на канцеларијата на Светска Банка, претставници од бизнис и академската заедница и од граѓанскиот сектор денес учествуваа на работниот состанок за Стратегијата за „паметна специјализација“, кој се одржа во Владата на Република Северна Македонија.